Rali Ceredigion fydd y hiraf a’r mwyaf heriol yn hanes y digwyddiad gyda 14 cymal cystadleuol dros 120 milltir (183 km) o ffyrdd.
Mae dros 100 o griwiau yn cynrychioli 10 gwlad wahanol yn Rali Ceredigion eleni, gan gynnwys gyrwyr o safon fyd-eang fel Hayden Paddon o Seland Newydd, Miko Marczyk o wlad Pwyl, yr Eidalwr Andrea Mabellini a Jon Armstrong o Iwerddon, yn ogystal â Phencampwr Rali Prydain Cymru, Osian Pryce a'r seren ralio llol, Meirion Evans o Lambedr Pont Steffan. Bydd y pencampwyr yn mynd ben-ben am fuddugoliaeth, gan sicrhau bydd cystadlu chwyrn rhwng y ceffylau blaen.
Cymalau'r rali mewn lleoliadau bendigedig
Bydd digwyddiadau Rali Ceredigion yn dechrau fore Gwener gyda 'shakedown' a'r rhagbrofion sy'n gosod y drefn ar gyfer y cystadlu.
Dechreuad swyddogol y Rali yw'r seremoni agoriadol a Sioe'r Rali ar Bromenad Aberystwyth ar brynhawn Gwener gyda cyfle i weld y ceir, cyfarfod â'r gyrrwyr a chasglu llofnodion y ser. Yna gyda'r nos bydd cymal cyffrous o ddau rediad trwy ganol tref Aberystwyth.
Ar y Sadwrn a'r Sul bydd y timau yn mynd allan i ralio ar hyd lonydd cefn gwlad canolbarath Cymru. Bydd cymal yn ardal Mydroilyn, gyda hoe fer ar gampws Coleg Llambed I sicrhau eich bod yn cael gweld y gorau o'r cymalau cyffrous, archebwch docyn i gael mynediad i'r parthau gwylio ' fanzone'.
Yn nhref Aberystwyth bydd arddangosfa arbennig o geir ' clasurol' ar y promenad yn y prynhawn.
Ar y Sul, mae'r Rali' n dychwelyd i'r ffordd am gronfa Nant y Moch, un o glasuron Rali Ceredigion erbyn hyn ac yn herio'r gyrwyr i'r eithaf. Daw'r noson i ben gyda dau rediad o amgylch canol tref Aberystwyth uwaith eto.
Daw'r penwythnos i ben gyda dathliadau podiwm yn ôl yn Aberystwyth brynhawn Sul, a cyfle i fynd ar gefn beic o gwmpas trywydd rali'r dref tra bo'r ffordd ar gau.
Ardaloedd gwylio
Mae cyfle i gwrdd â'r gyrwyr, cael eu llofnodion a chymryd hunluniau yn Sioe'r Rali ar Bromenâd Aberystwyth ar brynhawn Gwener cyn y seremonïau swyddogol. Mae hwn yn ddigwyddiad cyffrous ar gyfer y teulu cyfan gydag awyrgylch wefreiddiol. Bydd amrywiaeth o stondinau bwyd yno yn ogystal â sgrin fawr fydd yn dangos y digwyddiad yn fyw.
Mae ardaloedd arbennig wedi eu neilltuo ar gyfer dilynwyr y rali. Mae'r ardaloedd diogel hyn wedi eu dewis yn arbennig am yr olygfa wych maent yn eu cynnig o gymalau mwyaf cyffrous y ralio.
Yn ystod penwythnos y rali mae ardal arddangos Rally Engage yn y maes gwasanaethau rhyngwladol yn Aberystwyth yn gyfle i ddysgu am ddiogelwch ar y ffyrdd, cyfarfod cynhyrchwyr bwyd lleol a chyfleoedd i ddysgu am hyfforddiant a datblygu gyrfa mewn moduro a'r gadwyn gyflenwi.
